ຂ່າວສານ

ວັນປູກຕົ້ນໄມ້ ແຫ່ງຊາດ 2015

ໜ່ວຍງານປູກຈິດສຳນຶກຂອງເຂດປ່າສະຫງວນແຫ່ງຊາດຫິນໜາມໜໍ່ ໄດ້ສະເຫຼີມສະຫຼອງວັນປູກຕົ້ນໄມ້ປີນີ້ ກັບໂຮງຮຽນປະຖົມບ້ານໜອງປິງ, ເມືອງບົວລະພາ, ແຂວງຄຳມ່ວນ.

ມີຜູ້ເຂົ້າຮ່ວມ 69 ຄົນ, (ຍິງ 39), ຫຼັກໆແມ່ນໂຮງຮຽນເດັກນ້ອຍ, ໄດ້ເຂົ້າຮ່ວມງານເພື່ອທີ່ຈະສຳເຫຼີມສະຫຼອງວັນປູກຕົ້ນໄມ້ ແລະ ໄດ້ຮຽນຮູ້ກ່ຽວກັບຄວາມສຳຄັນຂອງຕົ້ນໄມ້ ແລະ ປ່າໄມ້. ໄດ້ນຳພາ ແລະ ມອບຄວາມມ່ວນຊື່ນ ໂດຍໜ່ວຍງານປູກຈິດສຳນຶກຂອງເຂດປ່າສະຫງວນແຫ່ງຊາດຫິນໜາມໜໍ່, ເດັກນ້ອຍໄດ້ໃຊ້ເວລາຮ້ອງເພງ 3 ຊົ່ວໂມງ, ຫຼິ້ນເກມ ແລະ ໄດ້ຮັບທາງດ້ານຂໍ້ມູນລາຍລະອຽດກ່ຽວກັບຄວາມສຳຄັນຂອງປ່າໄມ້ ແລະ ຄຸນປະໂຫຍດຂອງຕົ້ນໄມ້. ພາກຄຳຖາມ-ຄຳຕອບ ສັ້ນ, ເກມຫຼາຍຢ່າງ ເປັນໂອກາດມອບຂອງຂັວນລາງວັນເລັກນ້ອຍໃຫ້ແກ່ເດັກນ້ອຍນັກຮຽນ.

ພາບປະທັບໃຈຂອງງານ ແມ່ນການປູກຕົ້ນໄມ້ນັ້ນເອງ. ມີຕົ້ມໝາາກໝ່ວງ 30 ຕົ້ນ ໄດ້ມອບໃຫ້ແກ່ນັກຮຽນ ແລະ ຄູອາຈານພວກເຂົາ. ຕົ້ນໄມ້ເຫຼົ່ານີ້ ຈະໃຫ້ຫຼາຍກວ່າອົກຊີແຊນ. ພວກມັນຈະໃຫ້ຮົ່ມເງົາ, ຜະລິດອາກາດສົດ ແລະ ໝາກໄມ້ທີ່ເປັນປະໂຫຍດ ແລະ ແມ້ນແຕ່ລຳຕົ້ນຂອງພວກມັນ ກໍສາມາດຖືກນຳມາເຮັດໂຕະໄດ້ໃນມື້ໜຶ່ງ, ເຮັດຕັ້ງ ແລະ ຕຽງ. "ຕົ້ນໄມ້ ແມ່ນມີຄຸນປະໂຫຍດຫຼາຍຢ່າງແທ້ໆ", ອຳນວຍການໂຮງຮຽນປະຖົມໜອງປິງໄດ້ກ່າວ.

ຮ່ວມກັບເດັກນ້ອຍນັກຮຽນ, ທິມງານປູກຈຶກສຳນຶກ ໄດ້ປູກຕົ້ນໄມ້ຈໍານວນໜຶ່ງ ພ້ອມອະທິບາຍກ່ຽວກັບວິທີການດູແລຮັກສາຕົ້ນໄມ້ ແລະ ວິທີການ. ງານໄດ້ຖືກປິດລົງ ໂດຍການໃຫ້ຄຳຄິດຄຳເຫັນຂອງອຳນວຍການໂຮງຮຽນ ແລະ ທ່ານ ນາງ ໜິດຕະຍາ ວົງສິດ ຕາງໜ້າໃຫ້ໜ່ວຍງານປູກຈິດສຳນຶກ ຂອງເຂດປ່າສະຫງວນແຫ່ງຊາດ ຫິນໜາມໜໍ່. ໄດ້ສະແດງຄວາມຂອບໃຈຕໍ່ເດັກນ້ອຍນັກຮຽນ ສຳລັບການມີສ່ວນຮ່ວມກິນຈະກຳຂອງພວກເຂົາ, ແລະ ເຊັ່ນດຽວກັນ ຂໍຂອບໃຈ ຈີໄອແຊັດ ປະຈຳລາວ ສຳລັບ ການສະໜັບສະໜູນທາງດ້ານການເງິນ.

ແຜນທີ່

ແຜນທີ່ຫິນໜາມໜໍ່

VIDEOS

ຂ່າວລ່າສຸດ


ຕິດຕໍ່: ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຄຳມ່ວນ
ຂະແໜງຄຸ້ມຄອງຊັບພະຍາກອນປ່າໄມ້ ແຂວງຄຳມ່ວນ
ຖະໜົນ: ອານຸວົງ, ບ້ານ: ເຫຼົ່າໂພໄຊ, ເມືອງ: ທ່າແຂກ, ແຂວງ: ຄຳມ່ວນ
ໂທ/ແຟັກ: +856 – 51 – 213 344
www.hinnamno.org